«Отдых душой и телом»

20 февраля 2018

Кодыр йöзыс йöввыласисны да сёйисны пöсь блин, АО «Монди СЛПК»-са матö нелямын ветеран ветлісны шойччыны Кулöмдiн районö. «Отдых душой и телом» - тадз шусис тур, кодöс котыртiс Финн-угор этнопарк. И збыль, шойччöмыс артмис и лолöн, и лысьöмöн.

1.jpg

Мунигкосттi туристъяс тöдмасисны Вылыс Эжвалöн культуракöд, тöдмалiсны, кыдзи артмисны и кутшöм вежöртас кутöны туй кузя паныдасьлысь сиктъяслöн да грездъяслöн нимъясыс. Эз и казявлыны, кыдзи воисны Улляна манастырö.

2.jpg

Манастырлысь воротаяс вуджöм бöрын найö быттьö мöд кадö веськалiсны – сэтшöм мичаöн да шензьöданаöн кажитчис ставыс.

3.jpg

Иеромонах Антоний матö куим час висьтасис Улляна манастырлöн да ина христианинлöн олöм йылысь, кадысь кадö воöмаяскöд тшöтш сьылiс вичко сьыланкывъяс. Став тайö куим чассö туристъяс бöрся ветлöдлiсны да, дерт, гажöдiсны, кык ослик да вöв.

4.jpg

Экскурсия бöрын ставöн сёйисны манастырскöй пажын да мöдöдчисны кайны кöлöкöльня вылö, медым матысянь кывзыны кöлöкöлъяслысь бурдöдан шысö, но казялiсны, мый сёрмöны мунны турлöн мöд сувтанiнö. Кадыс Улляна манастырын и, збыль, мöдпöлöс – абу окота некытчö тэрмасьны да котöртны.

5(1).jpg

Автобус вежöдöм бöрын, кокньыд сьöлöмöн, туристъяс тюрöдiсны Ичöт Аныбса «Мишкин лес» шойччанiнö.

6.jpg

А сэнi Вологжанин котыр дзонь йöввывса программа лöсьöдöмаöсь: вöла додьнад да бураннад катайтiсны, масленница-аканьтö вöчöдiсны, блинъяса чöскыд ужиннад вердiсны, а ужнайтiгкостi нöшта на и гажöдiсны нöдкывъясöн да сыланкывъясöн.

7.jpg

8.jpg

9.jpg

Гажа рытыс помассис чучела Масленица сотöмöн.

10.jpg

Шойччысьяс сьöлöмсянь аттьöалöны Улляна манастырын зiльысьясöс, а торйöн, Иеромонах Антонийöс и, дерт, аттьöалöны «Мишкин лесын» зiльысьясöс татшöм лöсьыда примитöмысь.

Комментарии (0)

Добавить комментарий